Sunday, December 6, 2009

ناس ليها بخت وناس ليها ترتر

و مالو الترتر يعني؟!!!...ليه الناس دايما باصة على اللي في ايد غيرهم؟!!...بنضيع وقت كتير جدا باصين على الحاجات اللي مش معانا بدل مانمبسط باللي ربنا رزقنا بيه

محدش عاجبه حالو وكل واحد حاسس ان بس لو ربنا ادالو اللي في ايد اللي جمبه حايبقى مرتاح وسعيد....و يا محاسن الصدف بأى لو ربنا ادالواللي مع اللي جمبه!! بردو لا بيمبسط و لا بيرتاح


كتير اوي بنخسر احساس المتعة برزق ربنا لينا عشان باصين على حاجات تانية و احنا حتى مش قادرين نفكر في الحاجات اللي ربنا رزقنا بيها دونا عن غيرنا


هات ورقة وقلم و اكتب الحاجات اللي ربنا مديهالك "صحة..أكل..فلوس حتى لو قليلة..أهل..أصحاب..شغل حتى لو مش عجبك" أى حاجة حتى لو انت شايفها عبيطة...خلي الورقة دي في جيبك وكل ما تيجي تبص على اللي حواليك اقراها و احمد ربنا و فكر شوية ايه اللي معاك و مش مع اللي حواليك
Posted by at

1 comment:

  1. emosDecember 7, 2009 at 2:30 AM

    w kaman ya mero sa3at teb2a el 7aga ma3aya w kol el nas elly 7awalayya nefsohom feha w msh 3agbany

    ma7adesh 3agbo 7alo
    nas ma3andahash dam

    emos

    ReplyDelete

Subscribe to: Post Comments (Atom)